പിതാവേ ,
നീയെത്ര നല്ലവന്‍ !
അന്ന് നീ
ആദിമിധുനങ്ങളെ
അടിച്ചിറക്കി
നിന്റെ എദനില്‍ നിന്ന് ,
അതിന്റെ സുഖശീതളതയിൽ നിന്നു ........
അതിനാലല്ലോ
അവര്‍
കത്തുന്ന സൂര്യന് കീഴിലെ
കഷ്ട്ടാനുഭവങ്ങളിലേക്ക്,
കഠിനാധ്വാനത്തിന്റെ
ദിനരാത്രങ്ങളിലേക്ക് ,
അനന്ത നിമ്ന്നോന്നതങ്ങളുടെ
വിഹ്വലതയിലേക്ക് ,
മഴമേഘങ്ങള്‍
അനുഗ്രഹം വര്‍ഷിക്കുന്ന
മലഞ്ചെരുവുകളിലേക്ക് ,
താഴ്വാരങ്ങളിലെ
ഹരിതഭൂമികളുടെ
സാദ്വാലതയിലേക്ക്
യാത്രയായത് .........
അതിനാലല്ലോ
അവരുടെ പരമ്പരകള്‍
ഇന്ന്
സ്വാതന്ത്ര്യത്തിന്റെ
ചവര്‍പ്പ് നുണയുന്നത് !.............
തന്നല്‍ത്തലോടലില്‍
വീന്നുകിട്ടുന്ന ഇടവേളകള്‍ ,
ഊഷ്മള സാമീപ്യങ്ങളുടെ
സായന്തനങ്ങള്‍ ,
പ്രത്യാശയുടെ പുലരികള്‍
എല്ലാമെല്ലാം
ആസ്വദിക്കുന്നത് !..........
അല്ലെങ്കിലോ ?
സദാ
സുഖത്തിന്റെ വൈരസ്യം അനുഭവിച്ചു
ഏദന്റെ ബന്ധനത്തില്‍
കാലാകാലത്തോളം ..............
No comments:
Post a Comment